नाईट रायडर्स समोर सनरायझर्सचे आव्हान
Poonam Uday kumar Desai
चैन्नई/ वृत्तसंस्था - आयपीएलचा माजी विजेता कोलकाता नाईट रायडर्स (केकेआर) आज, रविवारी येथे सनरायझर्स हैदराबादविरुद्ध खेळल्या जाणाऱ्या इंडियन प्रीमियर लीगच्या (आयपीएल) लढतीत संघाचा योग्य समतोल साधण्यासाठी प्रयत्नशील असेल. 'केकेआर'चे नेतृत्व यावेळी मर्यादित षटकांच्या क्रिकेटमधील सर्वांत यशस्वी कर्णधारांपैकी एक इयोन मॉर्गन करीत आहे. त्याने गेल्या मोसमात यूएईमध्ये दिनेश कार्तिककडून स्पर्धेच्या मध्यात कर्णधारपद सांभाळले होते. गेल्या मोसमात केकेआरचे सनरायझर्स व रॉयल चॅलेंजर्स बंगलोरसह समान गुण होते. केकेआर रनरेटमध्ये पिछाडीवर पडला होता आणि सलग दुसऱ्यांदा प्लेऑफमध्ये स्थान मिळवण्यात अपयशी ठरला.
इंग्लिश कर्णधार इयोन मॉर्गन प्रथमच पूर्णकालिक कर्णधारपदाची जबाबदारी सांभाळत आहे. अशा स्थितीत सर्वांची नजर इंग्लंडच्या वन-डे विश्वकप विजेत्या कर्णधारावर असेल. मॉर्गन दोन वेळच्या आयपीएल चॅम्पियन संघाला पुन्हा प्रतिष्ठा मिळवून देण्यासाठी प्रतिबद्ध आहे.
कमजोर बाजू
केकेआर - संघाचा समतोल साधण्याचे आव्हान.
हैदराबाद - विदेशी खेळाडूंना सूर गवसणे महत्त्वाचे
मजबूत बाजू
केकेआर - शुभमन गिलच्या रूपाने आघाडीच्या फळीत शानदार फलंदाज राहुल त्रिपाठी, नितीश राणा व अनुभवी दिनेश कार्तिकच्या रूपाने चांगले भारतीय फलंदाज. या व्यतिरिक्त मॉर्गन कुठल्याही आक्रमणाविरुद्ध धावा फटकावण्यास सक्षम.
हैदराबाद - वेगवान गोलंदाज भुवनेश्वरच्या पुनरागमनामुळे गोलंदाजी मजबूत. यॉर्कर स्पेशालिस्ट टी. नटराजनचाही समावेश.
सामना - सनरायझर्स हैदराबाद विरूद्ध कोलकाता नाईट रायडर्स
ठिकाण - एम ए चिदंबरम स्टेडियम, चैन्नई
वेळ - सायंकाळी ७ वाजून ३० मिनिटांनी
थेट प्रक्षेपण - स्टार स्पोर्ट्स नेटवर्क, हॉटस्टार
संभाव्य संघ -
सनरायझर्स हैदराबाद - डेव्हिड वॉर्नर (कर्णधार), रिद्धीमान सहा (यष्टिरक्षक), मनीष पांडे, केदार जाधव/ विजय शंकर, मोहम्मद नबी, अब्दुल समद, रशीद खान, भुवनेश्वर कुमार, संदीप शर्मा, टी. नटराजन
कोलकाता नाईट रायडर्स - शुभमन गील, राहुल त्रिपाठी, नितिश राणा, इयोन मॉर्गन (कर्णधार), दिनेश कार्तिक (यष्टिरक्षक), आंद्रे रसेल, शाकिब अल हसन/ सुनील नरीन, पॅट कमीन्स, हरभजन सिंग, प्रसिद्ध क्रिष्णा, वरुण चक्रवर्ती
